प्रहरीकाे गाेली लागेर एक जनाकाे मृत्यु

काठमाडाैं ।  काठमाडौँको कोटेश्वरमा प्रदर्शनमा सहभागी एक प्रदर्शनकारीको मृत्यु भएको छ।

शुक्रबार राजावादीले गरेकाे आन्दोलनका क्रममा भएको झडपपछि प्रहरीले हानेको गोली लागेर कीर्तिपुरका २९ वर्षीय सविन महर्जनको मृत्यु भएको गृह मन्त्रालयले जनाएको छ।

प्रदर्शनमा घाइते भएका उनकाे उपचारका लागि शिक्षण अस्पताल पुर्‍याइएको थियो। अस्पतालले अस्पताल पुर्याए लगत्तै मृतक घाेषणा गरेकाे थियाे ।

गृहमन्त्रालयका अनुसार शुक्रबार भएको प्रदर्शनका क्रममा १५ जना सुरक्षाकर्मी र १५ जना प्रदर्शनकारी गरी ३० जना घाइते भएका छन्। उनीहरूको विभिन्न अस्पतालमा उपचार भइरहेको छ।