कानूनमन्त्री सिन्हाको संयोजकत्वमा उच्चस्तरीय राजनीतिक सम्वाद समिति गठन

काठमाडाैं ।  सरकारले बिभिन्न राजनीतिक दल र सरोकारवालासंग वार्ता गर्न उच्चस्तरीय राजनीतिक संवाद समिति गठन गर्ने निर्णय गरेको छ ।

सिंहदरबारमा सोमबार बसेको मन्त्रिपरिषद् बैठकले कानूनमन्त्री अनिल सिन्हाको संयोजकत्वमा उच्चस्तरीय राजनीतिक सम्वाद समिति गठन गर्ने निर्णय गरेको हो ।

समितिको सदस्यमा सञ्चारमन्त्री जगदीश खरेल र प्रधानमन्त्रीका प्रमुख राजनीतिक सल्लाहकार अजयभद्र खनाल रहेका छन् ।

२१ फागुनमा ताेकिएकाे निर्वाचनका विषयमा नेकपा एमालेलगायतका दलले आशंका गरिरहेकाे बेला सरकारले संवाद समिति गठन गरेर दलहरुसँग सम्बन्ध सुमधुर बनाउन सुरु गरेकाे छ ।