गौरीशंकर गाउँपालिकामा मगतणना सुरु

दोलखा, १७ मंसिर । गौरीशंकर गाउँपालिका उपाध्यक्षका लागि भएको उपनिर्वाचनको मतगणना सुरु भएको छ । पालिकाको ९ नम्बर वडाको बेदिङ मतदान केन्द्रबाट मतपेटिका सोमबार बिहान हेलिकप्टरबाट ल्याइएपछि  सर्वदलीय बैठक बसेर मतगणना थालिएको मुख्य निर्वाचन  अधिकृतको कार्यालयले जनाएको छ । 

सुरक्षा घेराको बीचमा गौरीशंकर पालिका-५ मा वडा नं १ र २ को मतपेटिका खोलिएको कार्यालयले जनाएको छ । गौरीशंकरमा रिक्त उपाध्यक्ष पदका लागि आइतबार भएको उपनिर्वाचनमा ४८ दशमलव २८ प्रतिशत मत खसेको छ ।

निर्वाचनमा ७ हजार ५सय ८९ मत खसेको हो । ९ वटा रहेको गौरीशंकरमा कुल १५ हजार ७ सय १८ मतदाता रहेका छन् ।