- असार ०७, २०८०
समयआवाज संवाददाता
.png)
काठमाडौँ । पूर्वराजा ज्ञानेन्द्र शाहले काठमाडौं महानगरपालिकाले लगेकाे जरिवाना पत्र बुझ्न अस्वीकार गरेका छन् ।
आइतबार बिहान काठमाडौँ महानगरको टोली पत्र लिएर निर्मल निवास पुगेपनि उक्त टोलीलाई प्रहरीले गेटबाटै फर्काइदिएको हो ।
शुक्रबार तीनकुनेमा राजावादीले गरेकाे आन्दोलनका क्रममा भएको फोहोर र तोडफोडको मूल्याङ्कन गरी महानगरले ७ लाख ९३ हजार जरिवाना तोकेर पत्र काटेको थियो ।
उक्त पत्र बाेकेर निर्मल निवास पुगेकाे नगर प्रहरी प्रमुख राजु पाण्डेसहितकाे टाेलीलाई प्रहरीले पूर्वराजासँग सम्बन्धित विषय नभएको भन्दै गेटबाटै फर्काइदिएको हो ।
निर्मल निवासले जरिवाना पत्र बुझ्न नमानेपछि काठमाडौं महानगरले हुलाकमार्फत पत्र पठाएको छ ।
महानगरका अनुसार निर्मल निवासले हुलाकमार्फत पठाएकाे पत्र पनि अस्वीकार गरे पत्रिकामा सूचना निकाल्ने र यति हुँदा पनि जरिवाना नबुझाए आर्थिक कार्यविधि तथा वित्तीय उत्तरदायित्व ऐन २०७६ अनुसार उठाउने छ ।
टिप्पणीहरू: