काठमाडौंको यी क्षेत्रमा कर्फ्यु आदेश जारी

काठमाडौं । काठमाडौंको पाँच क्षेत्रमा कर्फ्यु आदेश जारी भएको छ ।

राजावादीको प्रदर्शन उग्र बनेपछि जिल्ला प्रशासन कार्यालय काठमाडौंले पाँच क्षेत्रमा कर्फ्यु आदेश जारी गरेकाे हाे ।

शुक्रबार अपराह्न ४ः२५ बजेदेखि राति १० बजेसम्म लागू हुनेगरी कर्फ्यु  जारी गरिएकाे प्रमुख जिल्ला अधिकारी ऋषिराम अधिकारीले जानकारी दिए ।

एयरपोर्ट, गैरीधारा, तीनकुने हुँदै कोटेश्वर, कोटेश्वरदेखि जडिबुटी पुल, कोटेश्वरबाट बालकुमारी पुलसम्म, बानेश्वरदेखि शंखमुल पुलसम्म र गौशाला चोकदेखि पुरानो बानेश्वर हुँदै नयाँ बानेश्वर चोकसम्म कर्फ्यु लगाइएको छ ।

सो सीमानाभित्र कसैले आवत जावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी कर्फ्यू आदेश जारी गरिएको प्रशासनले जनाएको छ ।  

याे पनि... हिंसातर्फ राजावादी: एकीकृत समाजवादीको कार्यालय र भाटभटेनी तोडफोड, माओवादी कार्यालयमा छिर्ने प्रयास

तीनकुनेस्थित व्यक्तिकाे घरमा राजावादीले गरे तोडफोड र आगजनी