- असार ०७, २०८०
काठमाडौँ। काठमाडौँको नयाँ बानेश्वरमा प्रदर्शनकारी र प्रहरीबीच झडप भएको छ।
आइतबार स्वर्गद्वारी गुठी पीडित मोही किसान संघर्ष समितिले गरेको प्रदर्शनका क्रममा झडप भएको हो।
प्रहरीका अनुसार प्रदर्शनकारीले निषेधित क्षेत्र तोड्न खोजेपछि झडप भएको हाे।
झडपका क्रममा प्रहरी वृत्त सिंहदरबारका डीएसपी गंगा पौडेल घाइते भएकाे जिल्ला प्रहरी परिसर काठमाडौँले जनाएकाे छ।
उनको नयाँ बानेश्वरस्थित सिभिल अस्पताल उपचार भइरहेको छ। डीएसपी पौडेलको टाउकोमा चोट लागेको छ। प्रदर्शनकारीहरूतर्फ पनि केही घाइते भएकाे बताइएकाे छ।
टिप्पणीहरू: