बेचन झा थुनामै रहने

काठमाडाैं ।  सर्वोच्च अदालतले नक्कली भुटानी शरणार्थी प्रकरणमा मुछिएका बेचन झालाई थुनामुक्त गर्न माग गरिएको बन्दीप्रत्यक्षीकरणको निवेदन खारेज गरिदिएकाे छ ।

झा अब थुनामै रहने छन् । सोमबार सर्वोच्च अदालतका दुई छुट्टाछुट्टै इजलासले अर्का अभियुक्त  टेकनारायण पाण्डेकाे पनि बन्दीप्रत्यक्षीकरणको निवेदन खारेज गरिदिएकाे छ ।

टेकनारायण पाण्डे र बेचन झा दुवै नक्कली शरणार्थी प्रकरणमा मुछिएर मुद्दा चलेका आरोपितहरू हुन् ।

उनीहरूलाई जिल्ला अदालतले थुनामा राख्ने आदेश गरेको थियो । त्यसविरुद्ध उनीहरुले सर्वोच्च अदालतमा बन्दीप्रत्यक्षीकरणको निवेदन दर्ता गरेका थिए ।