साम्बाकाे ह्याट्रिक : श्रीलंकाकाे पाेष्टमा नेपालकाे ८ गाेल

काठमाडौं । कप्तान सावित्रा भण्डारी (साम्बा)को ह्याट्रिकले नेपालले एएफसी महिला एसियन कप छनोटको लगातार दोस्रो जित निकाल्न सफल भएकाे छ । बुधबार भएकाे खेलमा नेपालले श्रीलंकाविरुद्ध ८–० को जित निकालेको छ ।

उज्वेकिस्तानको सम्पन्न खेलमा नेपालकी कप्तान सावित्राले ह्याट्रिक गरिन् । यस्तै, गीता रानाले दुई गोल गर्दा निशा थोकर, रेखा पौडेल र पुजा रानाले समान एक गोल थपे ।

खेलको आठौँ मिनेटमा गीताको गोलमा नेपालले अग्रता बनाएको थियो । जसलाई २०औँ मिनेटमा सावित्राले दोब्बर बनाइन् । यस्तै, ४२औँ मिनेटमा सावित्राले नै गोल गरेपछि नेपालले अग्रतालाई ३–० मा पुर्‍याएको थियो । ४५औँ मिनेटमा सावित्राले ह्याट्रिक गरेपछि नेपालले पहिलो हाफमै ४–० को अग्रता बनाएको हो । 

५४औँ मिनेटमा नेपालले पाएको पेनाल्टीलाई गीता रानाले सदुपयोग गरिन् । श्रीलंकन रक्षकले रश्मीकुमारी घिसिङमाथि १८ यार्ड बक्समा फाउल गर्दा नेपालले पेनाल्टी पाएको थियो । 

६२औँ मिनेटमा निशा थोकरको गोलमा नेपालले अग्रतालाई ६–० मा पुर्‍यायो । ७८औँ मिनेटमा रेखाले गोल गर्दै नेपालको यो अग्रतालाई ७–० मा राखिन् ।

खेलको निर्धारित समय सकिन लाग्पुदा पूजाले गोल गरेपछि नेपाल खेलमा ८–० मा रह्यो ।