उदितले महिला फ्यानको ओठमा चुम्बन गरेको पहिलो होइन

मुम्बई । आफ्नो आवाजले आम सर्वसाधारणको मन जित्ने ६९ वर्षीय गायक उदित नारायण अहिले सामाजिक सञ्जालमा चर्चाको विषय बनेका छन् ।

उनीसँग जोडिएको एउटा भिडियो भाइरल भइरहेको छ । यो भिडियो कन्सर्टको बताइएको छ ।

कन्सर्टमा उनको सुपरहिट गीत ‘टिप–टिप बरसा पानी’ गाउँदै गर्दा उनको एक महिला फ्यान सेल्फी खिच्ने मनसायले उदित नारायण कहाँ आइन् ।

सेल्फी लिएपछि महिला फ्यानले उदित नारायणको गालामा किस गरेपछि उदित नारायणले महिला फ्यानलाई ओठमा चुम्बन गरे ।

यस क्रममा उनले अन्य महिला फ्यानलाई अँगालो हालेको र गालामा चुम्बन गरेको पनि देखिन्छ ।

क्लिप भाइरल भएपछि धेरै सामाजिक सञ्जाल प्रयोगकर्ताले यसमा आक्रोश व्यक्त गरिरहेका छन् भने कतिपयले उनको समर्थनमा लेखेका छन् ।

यद्यपी, हिन्दुस्तान टाइम्ससँग कुरा गर्दै उदित नारायणले यस विषयमा स्पष्टीकरण दिएका छन् । उनले भने, ‘कतिपय फ्यानहरू धेरै मस्त खालका छन्,  हामी त्यस्तो होइनौं । हामी सभ्य मानिसहरू हौं । केही मानिसहरूले यसलाई प्रोत्साहित गर्छन् र यसको माध्यमबाट आफ्नो माया देखाउँछन् ।’

उनले अगाडी भने ‘फ्यानहरु कसैले हात मिलाउन हात फैलाउँछन् । कसैले हातमा चुम्बन गर्छन् । फ्यानहरुमा एकखालको पागलपन हुन्छ । यसमा यति धेरै ध्यान दिनु हुँदैन ।’

उदित नारायणले स्टेजमा कसैलाई किस गरेको यो पहिलो पटक भने होइन । यसअघि पनि उनको नाम यस्तै विवादमा आएको थियो ।

श्रेया घोषालसंगको चुम्बन 

उनले एक महिला फ्यानलाई किस गरेको भिडियो पछि अब उदित नारायणको पुरानो भिडियो पनि भाइरल भइरहेको छ ।

उक्त भिडियोमा उदितले गायिका श्रेया घोषाललाई किस गर्दै गरेको देखिएका छन् ।

भाइरल भिडियोमा उदित नारायण स्टेजमा श्रेयालाई अवार्ड दिन्छन् र अचानक गालामा चुम्बन गर्छन् ।

भिडियोमा श्रेयाको अभिव्यक्तिबाट उनले यो आशा नगरेको देखिन्छ । उदित नारायणको यो कार्य देखेर उनी छक्क परेकी छिन् ।

अलका याग्निक उदितकाे सम्बन्ध

उदित नारायण र अल्का याज्ञिकको जोडीलाई संगीत क्षेत्रको हिट जोडी मानिन्छ । दुवैले ९० को दशकदेखि धेरै सुपरहिट गीत दिएका छन्, जसलाई मानिसहरूले अझै गुन्जाएका छन् ।

जसमा ‘देखने वाले ने’, ‘दिल मे दर्द सा’, ‘कहो ना प्यार है’, ‘जो भी कसमान खाई थी’, ‘प्यार की कष्ट मे’, ‘किसी डिस्को मे जाये’, ‘गोर–गोर मुखदे पे’ समावेश छन्।  दर्जनौं सुपरहिट गीत समावेश छन् ।

रियालिटी शोका क्रममा यी दुई गायक गायिकाबीच पटकपटक झगडा पनि हुने गरेको छ । उदित नारायणले अल्का याज्ञिकलाई गालामा किस गरेको भिडियो सामाजिक सञ्जालमा भाइरल भइरहेको छ ।

भिडियोमा अल्का एक सिंगिङ रियालिटी शोको स्टेजमा गीत गाउँदै छिन्, उदित नारायण उनको नजिक आएर गालामा चुम्बन गर्छन् ।

युट्युब च्यानल  लहरेन रेट्रोसँग कुरा गर्दै उदित नारायणले भनेका थिए, ‘एउटा गायिकाको अर्को गायिकासँग जस्तो सम्बन्ध हुन्छ, मेरो अल्का जीसँगको सम्बन्ध पनि त्यस्तै छ, तर जतिबेला अल्काजी संग भेट हुन्छ हामी जिस्कन्छौं ।’

उनले भने, “हामीले विदेशमा वा भारतमा जति पनि कार्यक्रम गरेका छौं, त्यो निकै सफल भएको छ र हामीले सँगै गाएको गीतलाई मानिसहरूले मन पराउँछन् । सायद हाम्रो उमेर पनि उस्तै भएर होला  ।’

उदितलाई लाग्याे रेडियाेमा मान्छे कसरी छिरे ?

उदित नारायणको जन्म बिहारको सुपौल जिल्लाको  गोठ गाउँमा भएको थियो ।  किसान परिवारमा जन्मिएका उदितलाई रेडियो निकै मन पथ्र्यो ।

बीबीसीसँग कुरा गर्दै उनले भनेका थिए, ‘त्यतिबेला मानिसहरूसँग रेडियो मात्र थियो । जब म यसमा गीत सुन्थेँ, मलाई यो सानो बक्समा मान्छेहरू कसरी जान्छन्, एक दिन म पनि यसको भित्र पस्नेछु भन्ने लाग्थ्यो ।’

तर, उनलाई गायनमा लाग्न त्यति सजिलो थिएन । उनका बुबा छोराले गीत गाउने विषयमा खुसी थिएनन् । ईटिभीसँग कुरा गर्दा उनले भनेका थिए, ‘बुवा रिसाउनुहुन्थ्यो,  भन्नुहुन्थ्यो मेरो सपना भनेको तिमी इन्जिनियर, डाक्टर बनेको देख्नु हो ।’

उनले परिवारको विरोधको सामना गर्नुप¥यो तर उदित पछि हटेनन् । बिहारबाट एसएलसी उत्तिर्ण गरेपछि उनी इन्टरमिडिएट गर्न नेपालको राजधानी काठमाडौं गए ।

आइए पढदै गर्दा रेडियो नेपालमा मासिक १०० रुपैयाँमा जागिरका लागि आवेदन दिए, जुन पाए पनि ।

‘रेडियोबाट जम्मा १०० रुपैयाँको तलब खाएर आइए पास गरेँ र यही अवधिमा भारत सरकारबाट संगीत छात्रवृत्ति पाएर म भारत आएँ ।

उदित नारायण सन् १९७८ मा मुम्बई आएका थिए । दुई वर्षपछि सन् १९८० मा उनले फिल्म ‘उन्निस बिज’ मा पहिलो ठूलो ब्रेक पाए । यसमा उनले मोहम्मद रफीसँग एउटा गीत गाएका थिए ।

सन् १९८८ मा फिल्म ‘कयामत से कयामत’को ‘पापा कहते हैं’ गीतबाट उचाइको सिँढी चढ्न थालेका उदित नारायण कहिल्यै रोकिएनन् ।

९० को दशकमा केही गायकहरूको मात्र स्वर सुनिन्थ्यो, जसमध्ये एक थिए उदित । तर सन् २००८ मा फिल्म ‘टशन’ मा गाएको ‘फलक तक चल साथ मेरे’ गीतपछि उनले कुनै पनि ठूला फिल्ममा मुख्य गीत गाएका छैनन् ।

उदित नारायणका छोरा आदित्य नारायणले ‘द कपिल शर्मा शो’ मा भनेका थिए, ‘मानिसहरूले हाम्रो थर नारायण हो तर हाम्रो थर झा हो भन्ने ठान्छन् ।

उदित नारायणको यो भनाइ थियो कि फिल्म उद्योगका मानिसहरूले उनलाई उदित नारायण नाम राम्रो लाग्छ, त्यसैले यो नाम राखेका थिए ।

उनले भने, “जब मैले पहिलो गीत गाएको थिएँ, त्यतिबेला एलपी रेकर्डहरू थिए, त्यसमा लेखिएको थियो ‘उदितनारायण झा’

उदित नारायणले धेरै भोजपुरी फिल्म पनि बनाएका छन् । यी फिल्मका निर्माता उनकी श्रीमती दीपा थिइन् ।

संगीतको क्षेत्रमा महत्वपूर्ण योगदान पु¥याएका उदित नारायणलाई भारत सरकारले सन २००९मा पद्मश्री पुरस्कारले सम्मान गरेको छ ।

त्यस्तै २०१६ मा पद्मभूषण अवार्डबाट सम्मानित गरिएको थियो । यस बाहेक उनले ५ फिल्मफेयर र ४ वटा राष्ट्रिय फिल्म अवार्ड पाएका छन् ।

बीबीसी हिन्दीबाट