दुई तिहाइको सरकारले ज्यूँदै छाड्याे, यही नै मेरो जित हाे : रवि लामिछाने (भिडियाेसहित)

काठमाडौं । राष्ट्रिय स्वतन्त्र पार्टीका सभापति रवि लामिछाने पार्टीको सक्रिय भूमिकामा फर्किएका छन् । उनलाई पार्टी कार्यालयमा नेता कार्यकर्ताले स्वागत गरे ।

रास्वपा राजसंस्था कि गणतन्त्रको पक्षमा उभिन्छ भन्ने प्रश्नकाे ढुलमुल जवाफ दिएका लामिछानेले आफुलाई  गणतन्त्रवादी  भन्ने दलहरुले गणतन्त्रको खोल मात्र ओढेको आराेप लगाए ।

आफुलाई दुई तिहाइको सरकारले मलाई ज्यूँदै छोड्नुलाई आफ्नाे जीतकाे रुपमा ब्याख्या गरे उनले । 'अब शरीरमा एक थोपा रगत हुँदासम्म लुटतन्त्रको विरोधमा उभिनेछु । जतिवटा मुद्दा लगाउनु छ लगाउ, ज्यान मार्नु छ मार ।' उनले भने ।

लोकतन्त्रको र गणतन्त्रको आडमा लुटतन्त्र मच्चाइरहेकाहरुलाई खबरदारी गर्न रवि लामिछाने आफु कहिल्यै पछि नहट्ने उनकाे भनाई थियाे । 'म लड्छु । जुनसुकै शक्तिसँग लड्छु । तर यो लुटतन्त्रलाई लुटुटुलु हेरेर बस्ने लाछी मान्छे म होइन । अझै गर षडयन्त्र ।' उनले भने । 

दलहरुले  जनताको आक्रोशलाई नजरअन्दाज गर्ने कोशिष गरिरहेकाे भन्दै उनले आफु बलेको आगाे तापौंला भनेर नबसेकाे बताए।

जनतामा ठूलो आक्रोश र निराशा भएकाे बुझेर त्यसलाई चिर्न आफु आएकाे उनकाे भनाई थियाे  ।