धनुषामा विभत्स हत्या : टाउकाे खेतमा, शरिर नहरमा

जनकपुर, २१ मंसिर । धनुषाको विदेह नगरपालिका ५ मुरिबा टोलीकी ४० वर्षीया रामपरीदेव ठाकुर वडहीको विभत्स हत्या भएको छ ।

शीरछेदन भएको उनको शव घरभन्दा करिब डेढ किलोमिटर टाढा शिवनारायण मण्डलको खेतमा भेटिएको धनुषा प्रहरीले जानकारी दिए । उनको टाउको  कमला नदीको नहरमा भेटिएको छ ।

शरीर नग्न अवस्थामा भेटिएकाे थियाे । धारिलो हतियारले घाँटी छिनाएर उनको हत्या भएको धनुषा प्रहरीले जनाएको छ ।

हत्या भएकी महिलाको श्रीमान लामो समयदेखि वैदेशिक रोजागारमा छन् । मृतकका कान्छो छोराका अनुसार मंगलबार अपराह्न रामपरी घाँस काट्न भन्दै घरबाट निस्किएकी थिइन् । अबेर साँझसम्म घर नफर्किएपछि खोजतलास सुरु गरिएको थियो । तर त्यसको भोलिपल्ट  विभत्स हत्या भएको अवस्थामा शव फेला परेको हो ।

घटनामा संलग्न भएको आशंकामा प्रहरीले तीनजनालाई नियन्त्रणमा लिएको थियो । अहिले एक जनालाई मात्र हिरासतमा राखेर अनुसन्धान गरिरहेको धनुषाका प्रहरी उपरीक्षक भुवनेश्वर तिवारीले जानकारी दिएका छन् ।