बंगलादेशी मोडलमा सत्तापलट सम्भावना छैन : शंकर पोखरेल

काठमाडौं । राजावादीले गरेको आन्दोलनको क्रममा भएको हिंसात्मक घटनाको जिम्मेवारी सरकारले लिनु पर्ने भन्ने राप्रपाको भनाईप्रति नेकपा एमालेका महासचिव शंकर पोखरेलले प्रतिक्रिया जनाउदै बंगलादेशी मोडलमा सत्तापलट सम्भावना नरहेको बताएका छन् । 

सामाजिक सञ्जाल फेशबुकमा लेख्दै पोखरेलले भनेका छन् । ‘वंगलादेशको मोडेलमा सत्तापलट गर्ने पूर्व राजा ज्ञानेन्द्रको योजना कार्यान्वयन गर्न ‘जनकमाणडर’ तोकिएका दुर्गा प्रसाईद्वारा परिचालित गरिएका हुल्लडवाजहरुले गरेको अपाधिक क्रियाकलापको भारी सुरक्षाकर्मीलाई वोकाएर पानीमुनीको ओभाने बन्न खोजिरहेका छन् राजावादीहरु । तर खुला समाजमा सबै कुरा छर्लङ्ग नै छ ।’

राजावादी र पूर्व पंचहरुले यो सबै अपराधको भारी दुर्गा प्रसाई र उनका अनुचरलाई वोकाएर उम्कन खोजेको भए थोरैभए पनि नेपाली जनताले विश्वास गर्थे होला भन्दै उनले भनेका छन् ‘निर्मल निवासको ‘थ्रेट’का सामु उनीहरु निरही देखिए र भन्न थाले ‘प्रहरी दमनको प्रतिरोध गरेका हुन् आन्दोलनकारीले’ ।