राजावादी आन्दोलनका ‘नाइके’ पक्राउ, को कहाँ ?

काठमाडौं । राजवादी आन्दोलनका नेतृत्वकर्ता पक्राउ परेका छन् ।

राप्रपाका बरिष्ठ उपाध्यक्ष रविन्द्र मिश्र र महामन्त्री धवल शम्सेर जबरा पक्राउ परेका छन् ।

आन्दोलन परिचालन समितिका संयोजक नवराज सुवेदी घरमै नजरबन्दमा छन् भने कमाण्डर दुर्गा प्रसाई फरार छन् । शुक्रबार साँझ सामाजिक सञ्जाल फेशबुकमा स्टाटस लेख्दै बोलाएको ठाउँमा आउन तयार रहेको तर, आन्दोलन नरोकिने अभिव्यक्ति दिएका प्रसाइ त्यसपछि फरार छन् ।

राजावादी अभियानमा संलग्न स्वागत नेपाल पक्राउ पनि परेका छन् । उनलाई बागबजारस्थित आफ्नै ल फर्मबाट सादा पोशाकका प्रहरीले शुक्रबार बेलुकी सवा नौ बजे पक्राउ गरेको थियो ।