दिल्लीमा २७ वर्षपछि भाजपा सत्तामा

नयाँदिल्ली ।  भारतको दिल्लीमा २७ वर्षपछि भारतीय जनता पार्टीले सत्तामा फर्किएकाे । चुनाव आयोगका अनुसार पछिल्लाे मतपरिणामअनुसार भाजपाले ४८ सिट जित्दा आम आद्मी पार्टी आपले २२  सिट जितेकाे छ ।

अघिल्लो चुनावमा ऐतिहासिक बहुमत प्राप्त गरेको आम आदमी पार्टीका संस्थापक नेता अरविन्द केजरीवाल स्वय‌ं पराजित भए। 

त्यस्तै, मनिष सिसोदिया पनि जंगपुरा सिटबाट पराजित भएका छन्। अहिले मुख्यमन्त्री रहेकी आतिशी भने चुनाव जित्न सफल भएकी छन्। सन २०२० मा भाजपाले केवल ८ सिट जितेको थयो। २०२५ मा आइपुग्दा ६ गुणा बढी सिट जितेकाे छ । 

केजरीवालको आम आदमी पार्टीका २० जना उम्मेद्वारको जमानतसमेत नजोगिएको जनाइएको छ। केजरीवाल प्रवेश बर्मासँग ३ हजार भोट अन्तरले पराजित भए।

कांग्रेसले योपटक पनि एक सिट पनि जितेन तर उसले २ प्रतिशत भोट बढाएको जनाइएको छ।