दिल्ली विधानसभा निर्वाचन : भाजपाको बहुमत, आपको सरकार

नयाँ दिल्ली । दिल्ली विधानसभा निर्वाचनपछि निर्वाचन परिणामबारे विभिन्न संस्थाले एक्जिट पोल सार्वजनिक गरेका छन् । ११ वटा संस्थाले गरेको सर्वेक्षण मध्ये ९ वटा एक्जिट पोलको रिजल्टमा २७ वर्ष पछि दिल्लीमा भाजपाको सरकार बन्ने आँकलन छ । दुईवटाले आम आद्मी पार्टीको आपको सरकार बन्ने अनुमान गरेका छन् ।

दिल्ली विधानसभा निर्वाचनमा ७० सिटका लागि बुधबार निर्वाचन सम्पन्न भएको । पोल अफ पोल्सले भाजपा ३९, आप ३० र कांग्रसले एक सिट जित्ने उल्लेख गरेको छ । निर्वाचनमा ५८ं.०८ प्रतिशत मत खसेको छ । परिणाम ८ फेब्रुअरीमा आउने छ । बिजेपी सांसद मनोज तिवारीले एक्जिट पोलकै आधारमा भाजपा घर फर्किन लागेको प्रतिक्रिया दिएका छन् ।

आपका नेता सुशिल गुप्ताले यो चौथो चुनाव भए पनि एक्जिट पोल कहिल्यै आपको पक्षमा नभएको भन्दै जनमत आपकै पक्षमा रहेको बताए ।

कंग्रेसका गुरजीत सिंह औजलाले आप नफर्किने भन्दै कुनै पनि पार्टीको स्पष्ट बहुमत नआउने दावी गरे ।