सात दिन लगातार घटेकाे शेयर आठाैं दिनमा बढ्याे

 काठमाडाैं । सात दिन लगातार घटेकाे शेयर आठौँ दिनमा बढेको छ। 

नेपाल स्टक एक्सचेन्जका अनुसार नेप्से १७.२८ अंकले बढेर २७३६.४८ विन्दुमा पुगेको छ ।

आज ८ अर्ब २३ करोडको कारोबार भएको छ भने २ करोड २९ लाख कित्ता बिक्री भएकाे थियाे ।

आजको कारोबारमा १४६ वटा सेयरको मूल्य बढ्दा ८८ वटाको घटेको छ भने १० वटाको अघिल्लो मूल्यमा कारोबार भएको छ। आज पिपल्स हाइड्रो, प्रभु इन्स्योरेन्स, दिव्येश्वरी हाइड्रो, घलेम्दी हाइड्रोलगायतको सेयर धेरै बढेको छ। 

तर आज विन नेपाल लघुवित्तका सेयरधनीले भने १० प्रतिशत गुमाएका छन्। कम्पनीको सेयरमा नकारात्मक सर्किट लाग्दा लगानीकर्ताले प्रतिसेयर ३८० रुपैयाँ गुमाए। 

यसबाहेक अन्य कम्पनीको अधिकतम ४.३१ प्रतिशतसम्मले मात्र सेयर मूल्य घटेको छ।