श्रीलंकाकाे संसदमा अरणाकुमारा दिसानायकेको बामपन्थी गठबन्धनकाे दुई तिहाई निश्चित

 काठमाडौं, ३० कात्तिक । श्रीलंकाको संसदीय निर्वाचनमा राष्ट्रपति राष्ट्रपति अरणाकुमारा दिसानायकेको बामपन्थी गठबन्धनले बहुमत ल्याउने निश्चित भएको छ ।

बिहीबार भएको निर्वाचनको मतगणना जारी रहँदा  २२५ सिटमध्ये १३७ स्थानमा गठबन्धनले जित हासिल गरिसकेको छ । बहुमतका लागि ११३ सिट आवश्यक पर्छ । गठबन्धनले त्योभन्दा धेरै सिट जितिसकेको छ र अन्य स्थानमा पनि अग्रता लिइरहेको छ । अग्रता लिएकाे सिटमा विजयी भएमा दुई तिहाईकाे सम्भावना छ ।

भ्रष्टाचारविरुद्ध लड्ने र देशको चोरी भएको सम्पत्ति फिर्ता गर्ने वाचाका साथ गत सेप्टेम्बरमा भएको चुनावमा दिसानायके राष्ट्रपति निर्वाचित भएपछि पहिलोपटक सत्ताको नेतृत्व सम्हालेका थिए । देशमा खराब आर्थिक संकटपछि अब भ्रष्टाचार विरुद्ध लड्न र स्थिरताको पुनर्स्थापना गर्ने आफ्नो वाचा पूरा गर्न उनलाई स्पष्ट बहुमत आवश्यक छ।

दुई वर्षअघि तत्कालीन राष्ट्रपति गोटाबाया राजापाक्षेलाई सत्ताच्युत गरिएपछि देशको आर्थिक मन्दीपछि सुधारका लागि अघि बढ्न ५५ वर्षीय दिसानायकेले विधायिकाको २२५ सिटमध्ये दुई तिहाइ सिट जित्ने आशा व्यक्त गरेका थिए । संसदीय निर्वाचनका लागि करिब एक करोड ७१ लाख मानिस मतदान रहेको चुनावमा आठ हजार ८०० उम्मेदवार प्रतिस्पर्धामा थिए ।

दिसानायकेको जेभीपी वा पिपुल्स लिबरेशन फ्रन्ट अर्को सरकार गठनका लागि चाहने पेसाकर्मीहरूको राष्ट्रिय जनसत्ता (एनपीपी) गठबन्धनको मुख्य घटक हो । निवर्तमान विधानसभामा एनपीपीले जम्मा तीन सिट जितेको थियो । करिब २५ वर्षदेखि सांसद भएका दिसानायके केही समयका लागि कृषिमन्त्रीसमेत बनेका थिए ।