शुक्रबार, २२ चैत २०८१

'प्रचण्ड'को फोटो जलाउने राप्रपाका नेता पक्राउ


काठमाडौँ। पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल 'प्रचण्ड'को फोटो जलाउने राप्रपानिकट राष्ट्रिय प्रजातान्त्रिक युवा संगठनका नेता निराजन बमले पक्राउ परेका छन् ।

उनलाई चितवन प्रहरीको सहयोगमा मकवानपुर प्रहरीले भरतपुरबाट आइतबार पक्राउ गरेको हाे ।

शनिबार मकवानपुरमा आयोजित कार्यक्रममा बोल्ने क्रममा नेता बमले ‘गणतन्त्र मुर्दावाद’ भन्दै प्रचण्डको फोटो जलाएका थिए ।

बिहीबार सिन्धुपाल्चोकको मेलम्चीमा आयोजित कार्यक्रममा प्रचण्डले पूर्वराजा ज्ञानेन्द्र शाहलाई मूर्ति चोर र भाइमाराको आरोप लगाउँदै अभिव्यक्ति दिएका थिए । त्यसपछि राप्रपाका नेता कार्यकर्ताले प्रचण्डको आलाेचना गरिरहेका छन् । 

टिप्पणीहरू:



यो पनि तपाईंलाई मन पर्न सक्छ