रुपन्देहीमा इँटा उद्योगका मजदुरको कुटपिटबाट मृत्यु, एक जना पक्राउ

रुपन्देहीमा इँटा उद्योगमा काम गर्ने एक मजदुरको कुटपिटबाट मृत्यु भएकाे छ।

सियारी गाउँपालिका–७ हिरागञ्जमा रहेको न्यु कामना इँटा उद्योगमा कार्यरत भारतीय नागरिकको कुटपिटबाट मृत्यु भएको जिल्ला  प्रहरी कार्यलय रुपन्देहीले जनाएको छ।

प्रहरीका अनुसार मृत्यु हुनेमा भारतकाे गोरखपुर घर भएका अन्दाजी ४० वर्षीय निष्ठुरी केवट रहेका छन्।

बिहीबार राति करिब ९ बजे साेही सोही उद्योगको ट्याक्टर चलाउने कृष्ण केवटले आपसी विवादका क्रममा कुटपिट गरेका थिए।

कुटपिटबाट गम्भीर घाइते भएका केवटको उपचारको क्रममा लुम्बिनी प्रादेशिक अस्पतालमा राति ११ बजेतिर मृत्यु भएको प्रहरीले जनाएकाे छ।

कुटपिट गर्ने केवटलाई प्रहरीले राति नै नियन्त्रणमा लिएर अनुसन्धान सुरु गरेको छ।