२१ जनाकाे टाेलीसहित आज प्रधानमन्त्री थाइल्याण्ड जाने

काठमाडौं । प्रधानमन्त्री केपी शर्मा ओली आज थाइल्याण्ड जाने भएका छन् ।

दिउँसो १ः०० बजे थाइल्याण्डका लागि प्रधानमन्त्रीको टोली नेपालवाट प्रस्थान गर्नेछ । सो अघि त्रिभुवन अन्तराष्ट्रिय बिमानस्थलमा प्रधानमन्त्री ओलीले पत्रकार सम्मेलन गर्ने कार्यक्रम रहेकाे प्रधानमन्त्रीकाे सचिवालयले जनाएकाे छ ।

प्रधानमन्त्री ओलीको भ्रमण दलमा प्रथम महिला राधिका शाक्य, परराष्ट्रमन्त्री डा. आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक–विकास सल्लाहकार डा. युवराज खतिवडा, नेपाल सरकारका मुख्यसचिव एकनारायण अर्याल रहने छन ।

साथै, परराष्ट्र मन्त्रालयका सचिव अमृतबहादुर राई, प्रधानमन्त्रीका निजी चिकित्सक डा. दिव्यासिंह शाह, प्रधानमन्त्रीका प्रमुख स्वकीय सचिव राजेश बज्राचार्य, सुरक्षाकर्मी र सञ्चारकर्मीसहित २१ जना रहने प्रधानमन्त्रीको सचिवालयले जनाएको छ ।