पूर्वमेयर सिंहकाे आजै अन्त्येष्टि गरिने

काठमाडौँ, १ पुस ।  काठमाडौँ महानगरपालिकाका पूर्व मेयर पिएल सिंहको निधन भएको छ ।

उनको आज ८७ वर्षको उमेरमा उपचारका क्रममा निधन भएको पारिवारिक स्रोतले जनाएको छ ।नेपाली कांग्रेसका नेता सिंह पेटसम्बन्धी रोगको उपचारमा थिए । 

उनको पार्थिव शरीर श्रद्धाञ्जलिका लागि आज बिहान ११ सम्म निवास  चक्सिबारीमा राखिएकाे र अहिले कांग्रेस केन्द्रीय कार्यालयमा राखिएकाे छ । उहाँको आजै अन्त्येष्टि गरिनेछ ।

उनकाे निधनमा काठमाडाैं महानगरपालिकाका मेयर बालेन शाहले महानगरकाे परिकल्पनाकारकाे निधन भएकाे भन्दै गहिराे दुख व्यक्त गरेका छन् । सामाजिक सञ्जाल फेशबुकमा बालेनले लेखेका छन् 'अलबिदा महानगरको परिकल्पनाकार । काठमाडौ नगरपालिका लाई महानगर बनाउने आदरणीय पिएल सिंहको असामयिक निधन प्रति हार्दिक श्रध्दाञ्जलि अर्पण तथा बैकुण्ठ बासको कामना गर्दछु।'