भेटिए प्रहरीद्वारा बरामद २५ करोडका मालिक

काठमाडौ । गत चैत ४ गते काठमाडौंको टोखा नगरपालिका झोरबाट ट्रकमा बरादम भएको करिब २५ करोड रूपैयाँ बराबरको विदेशी मुद्राको मालिक सिन्धुपाल्चोकका व्यवसायी नारायण पौडेल रहेको खुलेको छ । उनीविरुद्ध पक्राउ पुर्जी जारी भएको प्रहरीले जनाएको छ ।

प्रहरीले दुई साताको अनुसन्धानपछि २५ करोड बराबरको अमेरिकी डलर र युरोको मालिक पौडेल भएको पत्ता लगाएको हो । पौडेल यस अघि पनि रक्तचन्दन तस्करीमा संलग्न रहेको प्रहरीले जनाएको छ ।

गत चैत ४ गते राति ना ७ ख १६५२ नम्बरको ट्रकमा लुकाएर लाँदै गरेको अवस्थामा प्रहरीले सिन्धुपाल्चोकका ४३ वर्षीय कुसान लामालाई पक्राउ गरेको थियो । लामा पक्राउ परेपछि उनको मोबाईल डिटेललगायत बयानका आधारमा प्रहरीले पौडेलको संलग्नता पुष्टि गरेको थियो ।