नेपालमा झनै बढ्याे भ्रष्टाचार, ३४ अंकसहित १०७औँ स्थानमा झर्‍याे

काठमाडौं। ‘भ्रष्टाचार अवधारणा सूचकांक’मा नेपाल एक स्थान खस्किएको छ।

ट्रान्सपरेन्सी इन्टरनेशनलले मंगलबार सार्वजनिक गरेको भ्रष्टाचार अवधारणा सूचाकांक-२०२४ मा नेपाल गत वर्षको भन्दा एक अंक खस्किएको हो। यससँगै नेपालमा भ्रष्टाचार हुने दर बढ्दै गएको देखिएकाे छ।

गत वर्ष ३५ अंकसहित १०८औँ स्थानमा रहेकाे नेपाल यस वर्ष ३४ अंक पाएर १०७औँ स्थानमा झरेको छ। याे नतिजाले नेपालले भ्रष्टाचारविरुद्व प्रभावकारी रुपले काम-कारबाहीअगाडि बढाउन जरुरी रहेको ट्रान्सपरेन्सीले उल्लेख गरेको छ।

यसैगरी साउथ सुडान विश्वकै भ्रष्टाचार हुने देशको एक नम्बरमा परेकाे छ । याे देशले कुल १०० मा जम्मा ८ अंक प्राप्त गरेको छ। यस्तै डेनमार्क विश्वकै कम भ्रष्टाचार हुने देशमा दर्ज भएकाे छ। कुल १०० मध्ये डेनमार्कले ९० अंक प्राप्त गरेर विश्वकै सबैभन्दा कम भ्रष्टाचार हुने देशमा दर्ज भएको हो ।