निलम्बन फुकुवा गर्न माग गर्दै रविले बुझाए सभामुखलाई निवेदन

राष्ट्रिय स्वतन्त्र पार्टी (रास्वपा)का सभापति रवि लामिछानेले आफ्नो निलम्बन फुकुवा गर्न माग गर्दै सभामुख देवराज घिमिरेलाई निवेदन बुझाएका छन्।

शुक्रबार सिंहदरबारस्थित सभामुखकाे कार्यकक्षमा पुगेर लामिछानेले सभामुखलाई निवेदन बुझाएका हुन्।

उनले आफ्नाे निलम्बन फुकुवा गरेर संसद्को बैठकमा सहभागी हुने वातावरण मिलाइदिन सभामुखसँग आग्रह गरेकाे बताइएकाे छ।

सभामुख घिमिरेले भने आफूले कसैको दबाब, प्रभाव, पूर्वाग्रह र पक्षधरताका आधारमा निलम्बन नगरेको भन्दै यसमा छलफल गर्ने बताएका छन्।

सहकारी ठगी प्रकरणमा मुद्दा दायर भएपछि पूर्वगृहमन्त्रीसमेत रहेका लामिछानेकाे सांसद पद पुस ८ मा निलम्बन भएको थियो।