कैलालीका रावल र खड्काले छाडे एमाले

धनगढी । नेकपा (एमाले) कैलालीका सचिवालय सदस्य दीपक रावल र जिल्ला कमिटी सदस्य जनक खड्काले पार्टी परित्याग गरेकाे घाेषणा गरेका छन् । उनीहरु दुबै टीकापुर क्षेत्रका प्रभावशाली नेता हुन् ।

एमालेले विनाकारण पार्टी सदस्यबाट हटाएर अपमान गरेकाले अपमान सहन ठिक नलागेकाले पार्टी छाडेकाे रावलले बताए । रावल टीकापुर अस्पतालका अध्यक्ष समेत भइसकेका व्यक्ति हुन् ।

हाल कैलाली जिल्ला कमिटी सदस्य र युवासंघका पूर्व सचिवालय सदस्य जनक खड्काले पनि एमालेमा अन्याय हुन थालेकोले आफूले छोडेको बताए ।

रावल र खड्काले आज धनगढीमा हुने नेपाल कम्युनिष्ट पार्टी (नेकपा) को एकता सन्देश सभामा आफूहरु सो पार्टीमा समाहित हुने बताए ।