महामन्त्रीद्वय थापा र शर्मासँग देउवाले छलफल गर्ने

काठमाडौं। नेपाली कांग्रेसका सभापति शेरबहादुर देउवासँग कार्यवाहक सभापति पूर्णबहादुर खड्का, महामन्त्रीद्धय गगन थापा र विश्वप्रकाश शर्माले आज छलफल गर्ने भएका छन् ।

चुनावअघि नियमित वा विशेष महाधिवेशनका विषयमा सभापति देउवासँग खड्का, थापा र शर्मा छलफल गर्न लागेका हुन्। बैसभापति देउवासँग हिजो साँझ पनि तीन नेताले छलफल गरेका थिए।

बिहीबारको बैठकमा महाधिवेशनमा सहमति जुट्न नसकेपछि आजका लागि तय भएको केन्द्रीय समितिको बैठक आइतबारका लागि सारिएको छ।

महाधिवेशन चनाव चुनावअघि वा पछि गर्नेमा कांग्रेसमा विवाद छ। अर्कोतर्फ, ५४ प्रतिशत महाधिवेशन प्रतिनिधिको मागको आधारमा विशेष महाधिवेशन गर्नुपर्ने लिखित प्रस्ताव गरिएको छ।

स‌ंस्थापन पक्ष चुनावपछि मात्रै महाधिवेशन गर्ने याेजनामा छ भने महामन्त्रीद्वय महाधिवेशन गरेर मात्रै निर्वाचनमा जानु पर्ने अडानमा छन् ।