तीनकुने क्षेत्रकाे क्षति अनुगम गर्दै गृहमन्त्री

काठमाडौं । गृहमन्त्री रमेश लेखक शुक्रबार भएकाे आन्दाेलनका क्रममा भएकाे क्षति  अनुगमन गर्ने तीनकुने क्षेत्रमा जाने भएका छन् ।

मन्त्री लेखक बिहान ९ बजे त्यस क्षेत्रमा अनुगमनका लागि जाने उनको सचिवालयले जानकारी दिएको छ ।

शुक्रबार राजतन्त्रका पक्षमा आयोजित आन्दोलनका क्रममा तीनकुने क्षेत्रमा ठूलोमात्रामा जनधनको क्षति भएको अनुमान गरिएको छ ।

हिंसात्मक आन्दोलनका क्रममा एक पत्रकारसहित दुई जनाको मृत्यु भएको छ भने आन्दोलनकारीहरुले तीनकुने लगायत आसपासका केही घरमा ढुंगा मुढा र आगजनी गरेर क्षति पुर्याएका छन् ।

काेटेश्वरमा रहेकाे भाटभटेनी सुपरमार्केटलगायतक केही मलहरुमा आन्दाेलनकारीले लुटपाट गरेकाे भिडियाे फुटेज सार्वजनिक भएकाे छ ।