हप्तामा कम्तिमा पाँच दिन काम गर्न कांग्रेसका मन्त्रीलाई देउवाकाे निर्देशन

काठमाडौं, ३ माघ । नेपाली कांग्रेसले पाँच दिन मन्त्रालयको काम गरेर दुई दिनमात्र सर्वसाधारण र नेता कार्यकर्ताका लागि समय दिन मन्त्रीहरूलाई निर्देशन दिएको छ । बिहीबार सभापति शेरबहादुर देउवाको निवास बूढानीलकण्ठमा मन्त्रीहरुसंगकाे सामूहिक भेटपछि सभापति देउवाले मन्त्रीहरूलाई काममा केन्द्रित हुन निर्देशन दिएका हुन् ।

पार्टी सभापतिबाट पाँच दिन मन्त्रालयको काम र दुई दिन सर्वसाधारणका लागि छुट्याउने निर्देशन आएकाे कानुन न्याय तथा संसदीय मामिलामन्त्री अजय चौरासीयाले बताए ।

मन्त्रीहरूले आआफ्नो मन्त्रालयमा भइरहेका काम र त्यसका लागि परेका प्राविधिक अप्ठेरा फुकाउन पार्टी नेतृत्वले गर्नुपर्ने सहयोगका विषय राखेको जानकारी दिए ।