सुहागरातको दिन बेहुलीको हत्या गरेर बेहुलाले गरे आत्महत्या

नयाँ दिल्ली । भारतको अयोध्या जिल्लको राजेपर गाउँमा सुहागरातको दिन बेहुलाले बेहुलीको हत्या गरेर आत्महत्या गरेका छन् ।

परिवारका सदस्यका अनुसार बेहुला बेहुली शयन कक्षमा प्रवेश गरेपछि पनि घरमा बिहेको रमझम बाँकी नै थियो । खानपिन र पाहुना पाच्छा विदाइको क्रम चलिरह्यो । 

जब बिहान भयो । नव दम्पत्ति सुतेको कोठाको ढोका खुलेन । बाहिरबाट बोलाउदा कुनै प्रतिक्रिया आएन जब ढोका फुटाएर हेर भित्र विभत्स दृष्य थियो दुबै मृत थिए ।

भारतीय मिडिया आजतकले उल्लेख गरे अनुसार प्रदिप र शिवानीको परम्परागत विवाह भएको थियो । जब उनीहरु शयन कक्षमा पुगेको प्रदिपको मोबाइलमा म्यासेज आयो । त्यहि म्यासेजको विषयमा उनीहरुबीच झगडा भयो र आवेशमा आएर प्रदिपले शिवानीको हत्या गरे अनि आफुले आत्महत्या ।

म्यासेज कसको थियो भन्नेमा प्रहरीले कुनै विवरण सार्वजनिक गरेको छैन तर, शिवानीको पूर्वप्रेमीको भएको अनुमान गरिएको छ ।