घरेलु मैदानमै रोकियो एट्लेटिको मड्रिड

घरेलु टोली एट्लेटिको मड्रिडले स्पेनिस ला लिगामा इस्पान्योलसँग गोलरहित बराबरीमा रोकिएको छ ।

बुधबार राति पाएको अवसर सदुपयोग गर्न नसक्दा ला लिगामा दोस्रो पटक अंक बाढेको हो । खेलको ५४औं मिनेटमा रोड्रिगो रिक्विल्मीले गोल गरेपनि भिडियो सहायक रेफ्री (भिएआर)ले मान्यता दिएन ।

तीन खेल खेलेको टोलीको एक जितसहित पाँच अंक छ । टोली चौथो स्थानमा छ । इस्पान्योल तीन खेलमा पहिलो अंक जोड्दै १८औं स्थानमा छ । तीन खेलमा तीनै जित निकालेको एक मात्रै टोली बार्सिलोना ९ अंकसहित शीर्ष स्थानमा छ ।

राति नै भएको खेलमा डिपोर्टिभो अलाभेसले रियाल सोसिडाडलाई २–१ ले हरायो । डिपोर्टिभोको यो पहिलो जित हो । सोसिडाडको भने दोस्रो हार भएको छ ।