काठमाडाैँ आइपुगे पूर्वराजा ज्ञानेन्द्र शाह

काठमाडाैँ। पूर्वराजा ज्ञानेन्द्र शाह काठमाडाैँ आइपुगेका छन् ।

पोखरा भ्रमण सकेर उनी आइतबार दिउँसो त्रिभुवन अन्तर्राष्ट्रिय विमानस्थल आइपुगेका हुन् ।

विमानस्थलबाट बाहिरिने क्रममा उनले विमानस्थलको गेटमा स्वागत गर्न पुगेका समर्थकलाई अभिवादन गरेका थिए । उनलाई विमानस्थल बाहिर पञ्चेबाजासहित समर्थकले स्वागत गरेका थिए ।

पूर्वराजा शाहलाई स्वागत गर्न राष्ट्रिय प्रजातन्त्र पार्टीका अध्यक्ष राजेन्द्र लिङ्देन, राष्ट्रिय प्रजातन्त्र पार्टी नेपालका अध्यक्ष कमल थापालगायतका नेताहरु विमानस्थल पुगेका थिए । उनी महाराजगञ्जस्थित निर्मल निवास गएका छन्।