- असार ०६, २०८०
समयआवाज संवाददाता
काठमाडौं ।कास्कीका पृथ्वीनारायण पीएन र काठमाडाैंकाे अस्कल क्याम्पसमा स्ववियु निर्वाचन सुरु भएकाे छ ।
चैत ५ गते तय भएको निर्वाचन विवादका कारण स्थगित भएको थियो ।
अहिले विद्यार्थीहरू मतदानमा सहभागी भएका छन् । क्याम्पस हाताभित्र मतदाता बाहेक अरूलाई प्रवेश दिइएको छैन ।
पोखरा नदिपुरमा रहेको क्याम्पसमा बिहान ८ बजेबाट मतदान सुरु भएको हो ।
पीएनमा १६ वर्षपछि स्ववियू निर्वाचन हुन लागेको हो । २०६५ साल यता स्ववियूको निर्वाचन हुन सकेको थिएन ।
अध्यक्षका लागि ८ जनाले उम्मेदवारी दर्ता गराएर चुनावमा होमिएका छन् । यहाँ ९ हजार २७० विद्यार्थी रहेका छन् ।
अनेरास्ववियुबाट विष्णु पोखरेल, नेविसंघबाट सुशील न्यौपाने, अखिल क्रान्तिकारीबाट नविन अधिकारी, अनेरास्ववियूसहितका संयुक्त प्यानलबाट सन्तोष पौडेल, अखिल छैटौंबाट मिलन सुनार, प्राज्ञिक विद्यार्थी परिषद्बाट दिप्सन गुरुङले उम्मेदवारी दिँदा विप्लवी न्यौपाने र कमल सुवेदीले स्वतन्त्र रुपमा चुनावी मैदानमा छन् ।
टिप्पणीहरू: