एमाले र प्रलोपाबीच चुनावी तालमेल, जनार्दन र सन्दीपकाे पक्षमा एमालेले मतदान गर्ने

काठमाडौँ। नेकपा एमाले र प्रगतिशील लोकतान्त्रिक पार्टी (प्रलोपा)बीच प्रतिनिधिसभा निर्वाचनमा तालमेल गर्ने सहमति भएको छ। 

कर्णाली प्रदेशका १० जिल्लामध्ये हुम्ला र जुम्लाबाहेकका जिल्लाहरूमा चुनावी तालमेल गर्ने सहमति भएको हो।

कर्णालीका ८ जिल्ला र पुरानो राप्ती अञ्चलका जिल्लाहरुमा एमालेका उम्मेदवारहरुको पक्षमा सूर्य चिन्हमा प्रलोपाले मतदान गर्ने सहमति भएको छ।

यस्तै प्रगतिशील लोकतान्त्रिक पार्टी, पश्चिम रुकुमका उम्मेदवार जनार्दन शर्मा र पूर्वी रुकुमका उम्मेदवार सन्दीप पुनको पक्षमा आँखा चिन्हमा एमालेले मतदान गर्ने सहमति भएको छ।

साथै दुवै पार्टीहरूले सहमति कार्यान्वयन गर्न आ–आफ्नो आन्तरिक पङ्क्तिलाई अविलम्ब निर्देशन गर्ने गर्ने सहमति भएको छ।