निर्वाचनमा सेना परिचालन गर्न राष्ट्रपति पौडेलले दिए स्वीकृति

काठमाडौं। राष्ट्रपति रामचन्द्र पौडेलले आगामी फागुन २१ गते हुने प्रतिनिधिसभा निर्वाचनका लागि सेना परिचालन गर्न स्वीकृति दिएका छन्।

प्रधानमन्त्रीको सिफारिसमा मन्त्रिपरिषद्को ८ गतेको निर्णय बमोजिम फागुन २१ गते हुने प्रतिनिधिसभाको निर्वाचनकाे सुरक्षा व्यवस्थाका लागि राष्ट्रपति पौडेलले बिहीबार नेपाली सेना परिचालन गर्ने स्वीकृति दिएका हुन्।

‘सम्माननीय राष्‍ट्रपति श्री रामचन्द्र पौडेलज्यूले प्रधानमन्त्रीको सिफारिस तथा नेपाल सरकार, मन्त्रिपरिषद्‍को मिति २०८२/०८/०८ गतेको निर्णयमा उल्लेख भए बमोजिम हुने गरी सम्वत् २०८२ साल फागुन २१ गते हुने प्रतिनिधिसभाको निर्वाचन सम्पन्‍न गर्न सुरक्षा व्यवस्थाका लागि नेपाली सेना परिचालन गर्ने स्वीकृति प्रदान गर्नु भएको छ’, राष्ट्रपति कार्यालयद्वारा जारी विज्ञप्‍तिमा भनिएकाे छ।