तनावमा छिन् स्वास्थ्यमन्त्रीको कोपभजनमा परेकी डक्टर

काठमाडौं । स्वास्थ्यमन्त्री प्रदिप पौडेलको कोपभजनमा परेकी डा.संगीत कौशल मिश्रले आफुलाई स्वास्थ्यमन्त्री पौडेलले पटक पटक विभेद गरेको बताएकी छिन् ।

पहिलो बरियतामा रहेर स्वास्थ्य सचिव बढुवामा नपरेपछि रुष्ट भएकी मिश्रले आफूलाई विभागको महानिर्देशकबाट हटाउँदादेखि नै पटक–पटक अन्याय गरेको बताइन् । १० जना मन्त्रीसंग काम गरेको बताउदै उनले भनिन् ‘प्रदिप पौडेलले मलाई धेरै पटक अन्याय गर्नु भयो ।’ उनले आफु मधेशी मुलको भएको कारण अन्यायमा परेको प्रतिक्रिया दिइन् ।

बुधबार साँझ बसेको मन्त्रीपरिषद बैठकले डा. विकास देवकोटालाई स्वास्थ्य सचिवमा बढुवा गर्ने निर्णय गरेको थियो । डा. देवकोटाभन्दा डा. संगीता ६ महिनाअघि १२ औं तहमा बढुवा भएकी थिइन् । तर, सरकारले सचिवमा बढुवा गर्दा डा. संगीता सिनियर भएपनि बरियता मिचेर डा. विकासलाई सचिव बनाएको छ ।

आफु अहिले तनाबमा रहेको भन्दै अब के गर्ने केही दिनमा निर्णय सार्वजनिक गर्ने भएकी छिन् ।