- असार ०७, २०८०
समयआवाज संवाददाता
म्याग्दी, २९ कात्तिक । गण्डकी प्रदेशसभा सदस्य विमला गौचनको ६३ वर्षको उमेरमा निधन भएको छ ।
काठमाडौँको ग्राण्डी अस्पतालमा डेङ्गीको उपचारका क्रममा बुधबार राति उनको निधन भएको नेपाली कांग्रेस म्याग्दीका पूर्वसभापति तथा संविधानसभा सदस्य रेशमबहादुर बानियाले राससलाई बताए । उनी नेपाली कांग्रेसबाट समानुपातिक निर्वाचन प्रणालीबाट प्रदेशसभामा चुनिएकी थिइन् ।
उनकाे शव अस्पतालमै राखिएको छ । अमेरिकामा रहेका छोरा आएपछि अन्त्यष्टि गरिने पारिवारिक स्रोतले जनाएको छ ।
टिप्पणीहरू: