संसद्मा मन्त्री उपस्थित नभएपछि माओवादीकाे आपत्ति, बैठक स्थगित

काठमाडौँ । सरकारका मन्त्री उपस्थित नभएपछि प्रतिनिधिसभाकाे बैठक स्थगित भएको छ ।

प्रमुख प्रतिपक्षी दल नेकपा माओवादी केन्द्रका प्रमुख सचेतक हितराज पाण्डेले बैठकमा सरकारका प्रतिनिधि उपस्थित नभएकाे भन्दै आपत्ति जनाएपछि बैठक सुरु नहुँदै स्थगित भएको हाे।

सभामुख देवराज घिमिरेले बैठक सुरु भयो भन्ने बित्तिकै प्रमुख सचेतक पाण्डेले सरकारका प्रतिनिधि बैठकमा उपस्थित नभएको भन्दै आपत्ति जनाएका थिए।

त्यसपछि सभामुखले प्रतिनिधिसभा नियमावलीमा २०७९ काे नियम ६ काे उपनियम ५ बमाेजिम बैठकमा मन्त्रीकाे उपस्थित अनिवार्य हुनुपर्ने भन्दै बैठक १५ मिनेटका लागि स्थगित गरेका हुन् ।