भाेलिकाे संसद् बैठकमा अनिवार्य उपस्थित हुन सांसदहरूलाई कांग्रेस र एमालेले लगायाे ह्विप

काठमाडौँ। सत्तारुढ दल नेपाली कांग्रेस र नेकपा एमालेले भाेलि बस्ने संसद् बैठकमा अनिवार्य उपस्थित हुन आफ्ना सांसदहरूलाई निर्देशन (ह्विप) जारी गरेको छ ।

बुधबार दिउँसो १ बजे बस्ने संसद् बैठकमा सरकारले ल्याएका अध्यादेश पारित गर्नका लागि प्रस्तुत गरिने भएकाले  दुवै दलले आफ्ना सांसदहरूलाई अनिवार्य उपस्थित हुन ह्विप जारी गरेको हाे ।

बैठकमा अनिवार्य उपस्थित भई अन्तिमसम्म रहन कांग्रेसका प्रमुख सचेतक श्याम घिमिरे र एमालेका प्रमुख सचेतक महेश बर्तौलाले सांसदहरूलाई एमएमएसमार्फत ह्विप जारी गरेका हुन्।

सरकारले ल्याएका ६ अध्यादेशमध्ये भूमिसम्बन्धी अध्यादेशबाहेक अन्य पाँच अध्यादेश पारित गर्नका लागि भोलि संसद्‌मा पेस गरिँदैछ।