- असार ०६, २०८०
काठमाडौं । पश्चिमी वायुका साथै स्थानीय वायु पनि सक्रिय भएपछि देशका केही ठाउँमा वर्षा हुन थालेको छ ।
जल तथा मौसम विज्ञान विभागका अनुसार गत २४ घण्टामा हल्का, मध्यमदेखि अति भारी वर्षा भएको छ । सुनसरीको इनरुवामा परेको असिना पानीले किसानका तरकारी र गहुँबालीमा क्षति पुर्याएको छ ।
त्यस्तै मोरङको केराबारिमा अति भारी वर्षा भएको छ । पछिल्लो २४ घण्टाको अवधिमा केराबारीमा २०० मिलिमिटरभन्दा धेरै वर्षा भएको छ ।
यस्तै गत २४ घण्टामा सप्तरीको रुपनी बजार, बरमझियामा पानी परेको छ । मकवारपुर र र प्यूठानमा पनि मध्यम वर्षा भएको छ । सिन्धुली, दोलखा र कास्की लगायतका जिल्लामा हल्का वर्षा भएको विभागले जनाएको छ ।
आज पनि देशभर मौसम बदली भएको छ । कोशी प्रदेशसहित पहाडी भू–भागमा आंशिकदेखि साधारण बदली भएको मौसम पूर्वानुमान महाशाखाले जनाएको छ ।
आज पनि चट्याङसहित वर्षासँगै हिमपातको पनि सम्भावना भएकोले दैनिक जनजीवन, स्वास्थ्य, सडक तथा हवाई यातायातमा आंशिक प्रभाव पर्ने हँदा सतर्क रहन महाशाखाले अनुरोध गरेको छ ।
टिप्पणीहरू: