बालशोषण गर्ने एमाले सांसदलाई मुद्दा नचलाउने भएपछि बालेनले भने- सरी नानु‍‍...

काठमाडौं । बाल श्रमशोषणको कसुर गरेकी एमालेकी लुम्बिनी प्रदेश सभा सदस्य रेखा शर्मालाई सरकारले उन्मुक्ति दिएको भन्दै काठमाडौं महानगरपालिकाका मेयर बालेन शाहले असन्तुष्टि जनाएका छन् ।

मेयर शाहले सामाजिक सञ्जाल फेशबुकमा लेखेका छन् ‘सरी नानु, तिम्रा पिडककाविरुद्धमा मुद्दा नचल्ने बनाएछ सरकारले ।’ उनले लेखेका छन् ‘नआत्तिनु । समय आउनेछ । यस्तै विभेद, अपराध मास्न अनि ति कुकर्म गर्नेहरुलाई तह लगाउन तिमी र तिमी जस्तै धेरै नानीबाबुले पढ्न पर्छ । समाज बुझ्न पर्छ ।’

प्रदेश सांसद शर्माले बालिकालाई पढाउने भनेर घरेलु कामदार बनाएर निर्धात काम लगाएको गुनासोपछि गत १४ जेठमा महानगरपालिकाले बालिकाको उद्दार गरेको थियो ।

जिल्ला प्रहरी परिसर काठमाडौंमा शर्माबिरुद्ध बालबालिकाबिरुद्ध कसुरमा मुद्दा दायर भए पनि सरकारले सरकारी वकिल कार्यालय मार्फत मुद्दा नचलाउने निर्णय गरेको थियो ।