विशेष अधिवेशन माग गर्दै कांग्रेसमा १०९ जनाले गरे हस्ताक्षर

काठमाडौं । नेपाली कांग्रेसमा विशेष महाधिवशेन बोलाउनका लागि हस्ताक्षर अभियान सुरु भएको छ । नेताहरु गुरुराज घिमिरे, देवराज चालिसे, नारायण भट्टराई, जनकराज गिरीसहित १०९ जना महाधिवेशन प्रतिनिधिले हस्ताक्षर गरेर अभियान नै चलाएका हुन् ।

कांग्रेसको विधान अनुसार विशेष महाधिवशेन बोलाउन सकिने व्यवस्था छ । विशेष महाधिवेशन आव्हान गर्न केन्द्रीय समितिले निर्णय लिनुपर्ने वा ४० प्रतिशत महाधिवेशन प्रतिनिधिले हस्ताक्षर गर्नुपर्ने व्यवस्था छ ।

विशेष महाधिवेशनको निर्णय केन्द्रीय समितिबाट हुने सम्भावना नभएकाले हस्ताक्षर अभियान सुरु गर्नुपरेको नेताहरुकाे भनाई छ । 

भदाै २३ मा जेनजीले गरेकाे आन्दाेलनकाे क्रममा पार्टी सभापति शेरबहादुर देउवा दम्पत्तिमाथी आक्रमण भएकाे थियाे । अहिले देउवालाई नेतृत्वबाट विदा गर्नु पर्ने आवाज चाैतर्फी उठेकाे छ ।