लिपुलेकका विषयमा राष्ट्रपति सी चीनफिडसँग प्रधानमन्त्रीले ओलीले जनाए आपत्ति

चीनका राष्ट्रपति सी चीनफिडसँग सौहार्दपूर्ण र द्विपक्षीय भेटका अवसरमा प्रधानमन्त्री केपी शर्मा ओलीले  नेपाली भूमि लिपुलेकलाई व्यापारिक मार्ग बनाउने विषयमा चीन र भारतबीच भएको सहमतिका विषयमा आपत्ति जनाएका छन् ।

परराष्ट्र मन्त्रालयका सचिव अमृतबहादुर राईले जानकारी दिएकाे जानकारी अनुसार भेटमा प्रधानमन्त्री ओलीले लिपुलेकका विषयमा राष्ट्रपति सीसँग प्रधानन्त्री ओलीले स्पष्टरुपमा आपत्ति रहेको कुरा राखेका छन् ।

दुई देशबीचको मित्रवत सम्बन्ध र सहकार्यका विविध क्षेत्रमा कुराकानी भई सम्बन्ध र सहकार्य अभिवृद्धि गर्न दुवै देशका संयन्त्र अग्रसर हुने समझदारी भएको पनि राइले जानकारी दिए ।

'सन् १८१६ को सुगौली सन्धिबमोजिम महाकालीपूर्वका सबै भूभागहरु सार्वभौम मुलुक नेपालका भएको स्पष्ट छ । यस मामिलामा चीनले नेपाललाई सहयोग गर्नेछ भन्ने हाम्रो विश्वास नेपालले लिएको छ ।' परराष्ट्र मन्त्रालयका सचिव अमृतबहादुर राईकाे भनाई उधृत गर्दै प्रधानमन्त्रीकाे सचिवालयले जनाएकाे छ ।