उपेन्द्रकाे प्रतिवेदन- ओली सरकारको आयु लम्ब्याउन अरु दललाई कमजोर बनाउने नीति लिइयाे (पूर्णपाठ)

काठमाडाैँ। जनता समाजवादी पार्टी (जसपा) नेपालका अध्यक्ष उपेन्द्र यादवले केपी शर्मा ओली नेतृत्वको सरकारको आयु लम्ब्याउन अरु दललाई कमजोर बनाउने नीति लिएको आराेप लगाएका छन् । 

आइतबारदेखि सुरु भएकाे जसपा नेपालको केन्द्रीय समिति बैठकमा अध्यक्ष यादवले पेस गरेको राजनीतिक प्रतिवेदनमा ओली सरकारको आयु लम्ब्याउन जालझेल गर्ने, अरु दललाई कमजोर बनाउने नीति लिएको आराेप लगाएका हुन् ।

सरकारले दुई दलीय व्यवस्था कायम गर्न ल्याउने भनिएको थ्रेसहोल्ड बढाउनेसम्बन्धी विधेयक त्यसैको एउटा ज्वलन्त उदाहरण उनकाे दाबी छ ।

भविष्यमा ठूला दलहरु मात्र हुने, साना दलहरुलाई समाप्त पार्ने नीति लोकतान्त्रिक मूल्य र मान्यताको विपरीत मात्र नभई संविधानमा उल्लेखित बहुदलीय शासन प्रणालीको पनि विपरीत रहेको जसपा नेपालकाे प्रतिवेदनमा उल्लेख छ ।

यसैगरी सरकार गठनपश्चात मुलुकमा सुशासन, समृद्धि र विकास गर्नुभन्दा बढी कोरा नारामा मात्र सीमित रहेको भन्दै यो सरकार असफल र असक्षम सावित भइसकेको उनले जिकिर गरे ।

‘सरकारप्रति जनतामा नैरास्यता बढ्दो छ । भ्रष्टाचार नियन्त्रण गर्न नसक्नु, सुशासन कायम गर्न नसक्नु र आर्थिक विकास गरी समृद्धि प्राप्त गर्ने सरकारको कुनै ठोस नीति कार्यक्रम तथा योजना देखिन्न । संघीय लोकतान्त्रिक गणतन्त्रलाई कमजोर बनाउने, देशको अर्थतन्त्रलाई कमजोर बनाउने, नीतिगत तथा संस्थागत सुधार ल्याउन नसक्ने, उत्पादनमूखी अर्थतन्त्र निर्माण गर्न नसकेको, आपूर्ती व्यवस्थामा सुधार ल्याउन तथा उत्पादन वृद्धि र रोजगारी सृजना गर्न नसकेको, गुणस्तरीय सेवा प्रवाह गर्न नसकेको, भ्रष्टाचार नियन्त्रण र सुशासनको प्रत्याभुति दिलाउन नसकेको, समाजमा विद्यमान विभिन्न खाले विभेद अन्त्य गर्न, पर्यावरणीय सन्तुलन कायम गर्न नसकेको, राष्ट्रिय हितको रक्षा, राष्ट्रियहीत अनुकूल परराष्ट्र नीति कायम गर्न नसकेको कारणले यो सरकार असफल र असक्षम सावित भइसकेको छ’, प्रतिवेदनमा भनिएकाे छ ।

उपेन्द्र यादवकाे राजनीतिक प्रतिवेदनकाे पूर्णपाठ: