उपेन्द्र यादवसँग कुरा मिलेन, अध्यादेश निर्णयार्थ प्रस्तुत गर्ने निर्णयबाट पछि हट्यो सरकार

काठमाडौं । जनता समाजवादी पार्टी (जसपा) अध्यक्ष उपेन्द्र यादवसँग कुरा नमिलेपछि सरकार संसदमा निर्णयार्थ अध्यादेश प्रस्तुत गर्ने निर्णयबाट सरकार पछि हटेको छ ।

नेपाली कांग्रेसका सभापति शेरबहादुर देउवा र एमाले अध्यक्षसमेत रहेका प्रधानमन्त्री केपी शर्मा ओलीसँग छुट्टा छुट्टै भेट गरेका अध्यक्ष यादवले मधेश प्रदेशमा मुख्यमन्त्री पाए मात्रै अध्यादेशको समर्थन गर्ने धारणा राखेका थिए ।

देउवा र ओलीले यादवको माग सम्वोधन हुने आश्वासन दिए पनि तत्काल सम्भव नभएकाले आज निर्णयार्थ पेस गरिने अध्यादेशलाई थाँती राख्ने निर्णय भएको छ । आज बस्ने दुवै सदनको बैठकमा अध्यादेश प्रस्तुत गर्ने कार्यसूची थियो ।