साताकाे अन्तिम दिनमा पनि दाेहाेराे अंकले बढ्याे शेयर

काठमाडाैं । साताकाे अन्तिम दिन बिहीवार शेयर बजार दोहोरो अंकले बढेको छ । शेयर बजार १०.४३ अंकले बढेर २६७६ बिन्दुमा कायम भएको छ ।

शेयर बजारमा १३१ कम्पनीको शेयर मूल्य बढेको छ भने १२१ कम्पनीको शेयर मूल्य घटेको छ भने ६ कम्पनीको शेयर मुल्य स्थिर रहेको छ । यसदिन ६ अर्ब ६६ करोडको कारोबार भएको हो ।

दोहोरो अंकले बढेको शेयर बजारमा सागर डिष्टीलरीका लगानीकर्ताले सर्वाधिक कमाएका छन् । उक्त कम्पनीको शेयर मूल्य १० प्रतिशतका दरले बढेको हो ।

त्यसैगरी, हिमस्टार उर्जाका लगानीकर्ताले सर्वाधिक गुमाएका छन् । उक्त कम्पनीका लगानीकर्ताले ७.७८ प्रतिशतका दरले गुमाएका हुन् ।