श्रेष्ठको राजीनामा माग्दै जेनजीको भीड बढेपछि प्रधामन्त्री कार्यालयमा सुरक्षाकर्मी बढाइयाे

काठमाडौं । प्रधानमन्त्रीको कार्यालयबाहिर ‘जेनजी’को भीड बढेपछि सुरक्षाकर्मी बढाइएको छ । सोमबार दिउँसो प्रधानमन्त्री सुशीला कार्कीलाई भेटेर र ज्ञापनपत्र बुझाउने भन्दै जेनजी युवा सिंहदरबारस्थित कार्यालयको ढोकामा पुगेका छन् ।

फरक–फरक समूहका जेनजी प्रतिनिधि प्रधानमन्त्री कार्यालयको ढोकामा पुगेपछि भीड बढेको भन्दै सुरक्षाकर्मीको संख्या थपिएको छ ।

उनीहरूले प्रधानमन्त्री कार्कीका प्रमुख स्वकीय सचिव आदर्शकुमार श्रेष्ठको राजीनामा मागेका छन् । श्रेष्ठले प्रधानमन्त्रीको सचिवालयमा आफ्ना नातेदारलाई नियुक्त गरेको आरोप छ । यद्यपि प्रधामन्त्रीको सचिवालयले श्रेष्ठको आफन्त नियुक्तिको खण्डन गरेको छ । तर, जेनजीले मानिरहेका छैनन् ।