सरकारको मूल्याङकन गर्न ६ महिनाको समय पर्याप्त हुँदैन: देउवा

काठमाडौँ। नेपाली कांग्रेसका सभापति शेरबहादुर देउवाले सरकारको मूल्याङकन गर्नको लागि ६ महिनाको समय पर्याप्त नहुने बताएका छन्।

शुक्रबारदेखि सुरु भएको संसद्को हिउँदे अधिवेशनकाे पहिलाे बैठकमा बोल्दै देउवाले यस अवधिमा सरकारले गरेको राम्रा कामको भविष्यमा असल परिणाम देखिने बताए।

‘कुनै सरकारको मूल्याङकन गर्नको लागि ६ महिनाको समय पर्याप्त हुँदैन। तर सरकारले यस अवधिमा गरेको काम राम्रो छन् । त्यसैले भविष्यमा असल परिणाम देखिने मैले अनुभूति गरेको छु’, उनले भने।

उनले लोकतन्त्रमा आवश्यक राजनीतिक अधिकारको उपभोग गरिएतापनि आर्थिक अवस्था सुदृढ हुन नसकेको कारण समृद्धिको यात्रा चाहनाअनुरुप अगाडि बढ्न नसकेको भारणा राखे। 

 सभापति देउवाले, ‘मुलुकको समग्र विकासका लागि लोतकन्त्रको सुनिश्चितता सुदृढ अर्थतन्त्र आवश्यक हुन्छ। लोकतन्त्रमा आवश्यक राजनीतिक अधिकारको उपभोग त गरिरहेको छौं तर आर्थिक अवस्था सुधार हुन सकिरहेको छैन्। परिणामस्वरुप विकास वा समृद्धिका यात्रा चाहना अनुरुप अगाडि बढ्न सकेको छैनन्।’