सरकार नांगिएको हुनाले लाज छोप्न अदालतहरूमा घुमिरहेकाे छु: रवि लामिछाने (भिडियाे)

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले सरकार नाङ्गिएकोले लाज छोप्न आफू अदालतहरूमा घुमिरहेकाे बताएका छन् । 

काठमाडौं जिल्ला अदालतको आदेशविरुद्ध निवेदन लिएर शुक्रबार उच्च अदालत पाटन पुगेका लामिछानेले सञ्चारकर्मीसँग संक्षिप्त प्रतिक्रिया दिँदै यस्ताे बताएका हुन् । 

 ‘म अहिले सरकार नाङ्गिएको हुनाले सरकारकाे लाज छोप्न अदालत घुमिरहेकाे छु । सरकारकाे लाज छाेपिदिनुपर्ने छ । म ठाउँ ठाउँमा पुग्नुपर्ने छ’, उनले भने, ‘समय आउँदैछ, चाँडै नै। म सबैलाई तयार हुन आग्रह गर्न चाहन्छु । गेट रेडि फर द रेभुलेसन ।’

आफू बाेल्याे भने दुई तिहाइकाे सरकारलाई गाह्रा पर्ने भन्दै बाेल्न नलागाउन आग्रह गरे ।

‘अहिले मैले बोल्रयाे भने दुई तिहाइको सरकारलाई गाह्रो पर्ला । म बोल्यो भनेर गाह्रो भएको पनि होला, त्यसका कारण मलाई बाेल्न नलगाउनुस् अहिले । जब बोल्ने समय आउँछ, त्यसपछि तब केहीको बोली नै बन्द हुने अवस्था आउँछ ’, लामिछानेले भने ।