कुलिङ पिरियडमा गरिएकाे छलछामकाे जिम्मेवारी रामहरि खतिवडाले लिनुपर्छ: सूर्य थापा

काठमाडौं। नेकपा एमालेका सांसद सूर्य थापाले संघीय निजामती सेवा विधेयकको प्रतिवेदनमा कुलिङ पिरियडसम्बन्धी व्यवस्थामा छलछाम गरिएकाे भन्दै आपत्ति जनाएका छन्।

उनले निजामती सेवा विधेयकमा गरिएको ‘कुलिङ अफ पिरियड’ सम्बन्धी व्यवस्थामा घुसाइएको ‘बाहेक’ शब्दको जिम्मा राज्य व्यवस्था तथा सुशासन समितिका सभापति रामहरि खतिवडाले लिनुपर्ने बताएका छन्।

‘समितिको प्रतिवेदनमै नरहेको ‘बाहेक’ शब्द छलछाम गरी घुसाउने को हो? राज्य व्यवस्था तथा सुशासन समितिका सभापति र सचिवले जिम्मेवारी लिनुपर्छ’, उनले  सामाजिक सञ्जालमार्फत भनेका छन्।

सांसद थापाले यदि यस्तो गरेको तथ्य हो भने यो अत्यन्त गैरजिम्मेवार र जवाफदेहिताबिहीन कार्य क्षमायोग्य हुन नसक्ने जिकिर गरेका छन्।
उनले भनेका छन्, ‘कानुन निर्माणमा विधि र प्रक्रियाविपरितको कुशासन नै हावी देखियो। सार्वभौम संसद र जननिर्वाचित सांसदहरूले छलफल र पारित गरेको कानुनमा कसले के कैफियत ग-यो? यो गंभीर विषयय भएको छ !’