कुलमानलाई हटाएकाे विषयमा आज संसदमा प्रधानमन्त्रीले जवाफ दिने

काठमाडाै‌ं ।   प्रधानमन्त्री केपी शर्मा ओलीले आज संसदमा जवाफ दिने भएका छन् ।

चार महिना कार्यकाल बाँकी हुँदै  नेपाल विद्युत प्राधिकरणका कार्यकारी निर्देशकबाट हटाइएका कुलमानका विषयमा प्रमुख प्रतिपक्षी दलले प्रधानमन्त्रीले स‌ंसदबाटै जवाफ दिनु पर्ने माग गरेपछि प्रधानमन्त्री जवाफका लागि तयार भएका हुन् ।

प्रधानमन्त्रीले संसद्‌मै जवाफ दिनुपर्ने माग गर्दै विपक्षी दलले  सदन अवरुद्ध गरिरहेका छन्। 

एमाले मुख्य सचेतक महेशकुमार बर्तौलाले आइतबार सभामुख देवराज घिमिरेले प्रमुख राजनीतिक दलका प्रमुख सचेतकहरूसँग गरेको छलफलमा कुलमानबारे प्रधानमन्त्रीले सोमबार प्रतिनिधि सभा बैठकमा जवाफ दिने जानकारी गराएका हुन्।

आज पनि बिहान ११ बजेका लागि प्रतिनिधि सभा बैठक बोलाइएको छ।